Leat go jurddašan ahte fargga čuike? Jus it leat, de berret dahkat dan, go dál gal ii leat guhká ovdal go čuike.
Nu go Sámis lea juo dadjanvuohki; mihcamáraide boahtá čuoika vaikke guovtti soabbái.
Dagbladet neahttasiiddus lea buorre ráva man sáhttá dahkat jus leat meahcis ja lea hui čuoika.
Earret go ahte vuoiddat iežat čuoikavuoidasiin dahje spráija anát, de leat goansttat maid sáhtát dahkat, jus mat diet biergasat eai leat mielde ja lea issoras čuoika.
Daga dola
Čuoika lea hui árgi suovas, ja de sáhtát ge beassat ráfis čohkohallat nu čuoikkat eai báhkke ala.
Jus hui goikkádat lea, de sáhtát guoros hermetihkkabovssa sisa dahkat dolaža vai suovasta.
