Karrieara Finnmárku lea aiddo álggahan guokte karriearaguovddáža, Álttás ja Čáhcesullos. Mánnodaga lei guovddážiid rahpandilálašvuohta.
Karrieara Finnmárku lea aiddo álggahan guokte karriearaguovddáža, Álttás ja Čáhcesullos. Mánnodaga lei guovddážiid rahpandilálašvuohta.
Fylkkasátnejođiheaddji Runar Sjåstad doalai sártni ja čuohpai bátti go almmolaččat rabai Karrieara Finnmárkku guokte guovddáža.
– Dát lea buorre fálaldat, ja karriearaguovddážat galget veahkehit karriearabagadallama rávisolbmuide, logai Runar Sjåstad go rabai guovddážiid.
Nuvttá bagadallan
Guokte bagadalli leat doaimmas goappáge guovddážis, Álttás ja Čáhcesullos. Eirin Tapio ja Joána Ranttila bargaba Čáhcesullos, ja Alf Roger Storhaug ja Trine Nilsen Nordeidet bargaba Álttás.
Guovddážat addet nuvttá bagadallama ja veahki gávdnat barggu buohkaide geat leat badjel 19-jahkásaččat. Mihttu lea ahte geavaheaddjit galget oahpásmuvvat iežas beliide, beroštumiide ja gelbbolašvuhtii vai sáhttet buriid mearrádusaid dahkat oahpu, oahpahusa ja barggu ektui.
Karrieara Finnmárku lea NAV ja Finnmárkku fylkkagieldda ovttasbargu. Ovttasbarggu mihttu lea buot ahkásaš olbmuide fállat veahki karrieara ektui.
