Kárášjoga ealgabivdinsearvi leat doallan stivračoahkkima miessemánu 9. beaivvi, gos earret eará leat meannudan galget go Kárášjoga gielddas sarvvabivdoguovlluid rájiid rievdaduvvot.
Sii leat ožžon sisa evttohusaid miellahtuin, ja leat dan vuođul sádden evttohusa movt háliidat rievdadit rájiid.
Dan oktavuođas sii ledje maid áigon lágidit miellahtočoahkkima, muhto dat čoahkkin ii šatta go eai dovdda lea dárbu dan šat lágidit.
Evttohuvvon rievdaduvvot
Sii čállet iežaset Facebook siiddus ahte sii leat FeFo:i evttohan rievdadit rájiid dáin bivdoguovlluin:
– 52- Njoammeljohka, ja dat guoskkaha 62- Vuččolskáiddi, 53-Čálbmaetbealvárrái og 53 Noaidatvárri bivdoguovlluide.
– 34-Goržžiraovvi, ja dat guoskkaha 36-Šuolggajoga bivdoguvlui.
– 37-Báhkkilvárri, ja dat guoskkaha 38-Jeagilvárrái, 41-Dákteroavvái, 40-Dilljaskáidái ja 39-Ammunaja bivdoguovlluide.
38-Jeagilvárri nammasaš bivdoguovllus evttohuvvo rievdadit Bálggesvárri namman.
Dát rievdadusat galget rievdaduvvon 2019 bivdoáigodahkii.
