Disdaga juovlamánu 13. beaivvi rahppo ođđa oassi E6-luottas mainna leat golbma jagi bargan.
Disdaga juovlamánu 13. beaivvi rahppo ođđa oassi E6-luottas mainna leat golbma jagi bargan.
Stáhta luoddadoaimmahat dieđiha ahte boahtte vahkku leat rahpandoalut mat leat ođđa luotta oktavuođas oarjjabealde Álttá. Luottain leat bargan golbma jagi, ja lea oassi luottas mii rahppo.
Lea Norgga stáhtaministtar Erna Solberg gii boahtá Storvikatunnealla bokte rahpat luotta. Doalut leat rahpasat buohkaide geat háliidit searvat, ja rahpandoaluin lea guossoheapmi.
Gaskka oatnu 2,1 km
Luoddaoassi mii rahppo dál lea 13 km guhkki, ja lea 2,1 oanehet go boares luodda. E6-luodda lea ráhkaduvvon ođđa sajiin, ja maid manná muhtin boares sajiin. Luottas leat guokte tunnealla mat leat 3,7 km oktiibuot.
Oassi luottas lea váldon jo atnui diibmá, muhto dál rahppo johtolat dan ođđa luottas.
Vihtta miilla ođasmahtto
Olles vihtta miilla luodda galgá divoduvvot, ja lea juhkkon guđa divodanoassái. Vuosttaš oassi rahppui 2008:s.
Ollislaččat galgá luodda leat áibbas gárvvis 2018:s. Lea dušše oassi Storsandnes ja Langnesbukt gaskkas mii galgá divoduvvot, ja go dat rahppo, de lea luodda oaniduvvon 12 km:in, dieđiha Stáda geaidnodoaimmahat.
