Beatnagat vásihit unohisvuođa, hušša ja balu go ožžot el-rávnnji čeabetbáttis. Danin lea gielddus dakkár čeabetbáttiide.
Beatnagat vásihit unohisvuođa, hušša ja balu go ožžot el-rávnnji čeabetbáttis. Danin lea gielddus dakkár čeabetbáttiide.
Biebmobearráigeahčču diehtá ahte leat oallugat geat vuvdet elektrihkalaš čeabetbáttiid, vaikko lea gielddus daid vuostá.
Áidna spiehkastat lea go kvalifiserejuvvon bagadalli geavaha čeabetbátti oahpahit beatnagiid ahte eai galgga oaguhit biebmoelliid, bohccuid ja sarvvaid.
– Elektrihkalaš čeabetbáddi ráŋggášta beatnaga go lea sávakeahtes láhtten, ovdalii go bargat juoga dainna sivain manin beana láhtte nie. Dat sáhttá dagahit ahte beana dovdá balu, hušša dahje suhttu, ja sáhttá maiddái gievrudahttit vejolaš láhttenváttisvuođaid, lohká Heidi Bugge, seniorráđđeaddi elliidčálggu ossodagas Biebmobearráigeahčus.
Lobihis márkanfievrrideapmi
Elektrihkalaš čeabetbáttit márkanfievrriduvvot earret eará dainna ahte dat oažžu beatnaga heaitit ciellamis.
Dákkár geavaheapmi lea rehkenastojuvvon lobiheapmin olu jagiid, muhto 2008:s celkojuvvui gielddus ovtta láhkaásahusas.
Geavahusáittardeaddji konkluderii 2013:s ahte dákkár márkanfievrrideapmi vuostálastá njuolggadusmearrádusa.
Galgá čielgasit almmuhit márkanfievrrideamis ahte buktagis lea gáržžideapmi dahje lea gildojuvvon.
Beanaeaiggát dubmehalai eavttuhis giddagassii
Beanaeaiggádat geat rihkkot lága, fertejit rehkenastit sáhkuhuvvot rihkkundivvagiin Biebmobearráigeahčus dahje dieđihuvvot politiijaide.
Okta beanaeaiggát dubmehallui aitto 15 beaivvi eavttuhis giddagassii go lei lobihis elrávnnji geavahan beatnagii.
Beanaeaiggát guoddalii duomu Alimusriektái, muhto Alimusriekti nannii diggerievtti duomu.
