Maŋimuš jagi lea el-rávdnji Norggas divron ovcciin proseanttain.
Maŋimuš jagi lea el-rávdnji Norggas divron ovcciin proseanttain.
Dán jagi goalmmát áigodaga mávssii el-rávdnji gaskamearálaččat 33,3 evrre kilowattdiimmu ovddas.
El-rávdnjehaddi lea gorgŋon ovcciin proseanttain jus buohtastahttá seamma áigodagain diibmá.
Jus rehkenastá maiddái neahttaláiggu ja eará divadiid, de šattai juohke dállodoallu máksit gaskamearálaččat 95,2 evrre kilowattdiimmu ovddas.
Neahttaláigu mávssii sullii 27,9 evrre ja geavaheaddjedivat fas lei 34 evrre, čájehit elektrisitehtahattit maid Statistihkalaš guovddášdoaimmahat lea almmuhan.
Hálbbimus ja divraseamos rávdnji
El-rávdnješiehtadusat, main leat rievdavaš hattit, leat ain divrasepmosat, gaskamearálaš haddi lea 36 evrre, dasa lassin boahtá neahttaláigu ja divat.
Eanaš dállodoaluin lea elspot-šiehtadus, ja mákset gaskamearálaččat 32,3 evrre.
Hálbbimus el-rávnnji oažžu jus čáliha jahkásaš šiehtadusa mas lea šihttojuvvon haddi. Dalle máksá gaskamearálaččat 31 evrre kilowattdiimmus.
Norgga čázádat- ja energiijadirektoráhtta dieđiha ahte el-rávdnjehattit gorgŋo eksportalassáneami geažil ja danin go koalla lea divron, čállá NTB.
