Cuoŋománu logut čájehit ahte Guovdageainnus lei bargguhisvuohta 6,6 proseantta, mii lea buot eanemus Finnmárkku fylkkas.
Cuoŋománu logut čájehit ahte Guovdageainnus lei bargguhisvuohta 6,6 proseantta, mii lea buot eanemus Finnmárkku fylkkas.
Vaikko NAV dieđiha Finnmárkku bargomárkanis leat dássedis loguid, de lea Guovdageaidnu dál bajimusas bargguhisvuođa loguin. Nubbin lea Mátta-Várjjat gos 5,4 proseantta leat dieđihuvvon barggu haga.
Álttás eanemus virggit
Oktiibuot leat 720 virggi almmuhuvvon rabasin Finnmárkkus. Eanemus virggit leat Álttás (145) ja Hammerfeastas (111) almmuhuvvon. Dearvvašvuođasuorggis ja oahpahussuorggis váilot eanemus bargit, dieđiha NAV.
1130 olbmo leat dieđihuvvon barggu haga Finnmárkkus, ja lea 3,4 proseantta bargoveagas fylkkas. Riikkas gaskamearálaččat lea bargguhisvuohta 3,1 proseantta.
