Dán jagi eai ožžon sámi artisttat Folkelarm-bálkkašumiid
Dán jagi eai ožžon sámi artisttat Folkelarm-bálkkašumiid
Nuorra sámi juoigi, John André Eira ja Arvvas joavku mas leaba mielde Sara Marielle Gaup Beaska ja Steinar Raknes, ledje dán jagi nammaduvvon Folkelarm-bálkkašumiide.
John André Eira lei nammaduvvon sololuohkkái luohteskearruin «Buolvvas bulvii» ja Arvvas joavku fas rabasluohkkái joavkku skearruin «Remembrance». Dán vuoru eai boahtán bálkkašumit sámi artisttaide.
2015 vuoitit
2015 Folkelarmbálkkašumi sololuohkás oaččui Per Anders Buen Garnås «Greinir» skearruin.
Rabasluohká bálkkášupmi ges geigejuvvui Nils Økland Band, gii lea almmuhan skearru «Kjølvatn»
Folkelarm-bálkkašumit geigejuvvojit jahkásaččat artisttaide geat erenoamáš čehpet leat ovddidan álbmot- ja árbevirolašmusihka Norggas.
Geahča eará vuittiid Folkelarm-bálkkášumi siiddus.
