-Almmuhus-
-Almmuhus-
OĐĐASAT Eai áiggo kommenteret ášši

Eai áiggo kommenteret ášši

-

-

Politiijat eai áiggo kommenteret ášši mas guokte dievddu leaba áššáskuhtton go galgaba rievdadan mearkka ja suoládan bohcco. 

Ávvir čálii gieskat ášši Lasse Andre Anti, gii galgá vásihan mearkarievdadeami ja suoládeami boazodoalus. Anti váiddii politiijaide, muhto guokte jagi golihii ovdal go politiijat válde ášši duođalažžan. 

Ávvir lea geahččalan disdaga, čakčamánu 15. beaivvi, rájes oažžut politiijain kommentára áššái mas guokte dievddu leaba áššáskuhtton rievdadan mearkka ja suoládan bohcco.

Bearjadaga, čakčamánu 18. beaivvi, rádjái eai leat astan maide dadjat dan birra ahte manne álggos hilgo ášši ja manne leat ádjánan guokte jagi dutkat ášši ovdal go leat áššáskuhttán dievdduguoktá geaid navdet rievdadan njiŋŋelasa. 

Disdaga, čakčamánu 22. beaivvi, bođii kommentára e-boastta bokte Ávvirii.

– Ášši galgá biddjot ovdan váldošiehtadallamii, inge mun hálit kommenteret ášši eambbo go dat mii čuožžu áššáskuhttinmearrádusas, čállá politiija gulahallanráđđeaddi Silje Arvola politiija advokáhta Rikke Sofie H. Larsena ovddas e-boastta bokte. 

- Advertisement -
-Almmuhus-