Dievdu ja nisu leaba váldon giddagassii maŋŋel go geahčaleigga báhtarit.
Okta dievdu ja okta nisu leaba disdatiđida váldon giddagassii, čállet Finnmárkku politiijat Twitteris diibmu 09:48.
Sivvan lei ahte eaba bisánan go politiijat geahččaledje bissehit sudno dárkkisteamis Suolovuomis. Operašuvdnajođiheaddji Eirik Pedersen dieđiha ahte sis lei politijajoavku Mázes geat reagerejedje biilii, ja geahččaledje bissehit sudno.
– Soai geahččaleigga báhtarit, muhto válduiga gitta Suolovuomis. Soai eaba lea áššáskuhtton vel, muhto leaba váldon luoddajohtolatlága ja biilasuoládeami dihte Áltái leansmánnekantuvrii, dadjá Pedersen.
Pedersen dieđiha ahte sudnos lea čanastat billii mii duorastaga lea dieđihuvvon suoláduvvon Deanus.
Soai leaba goappašagat gaskal 20–30-jahkásaččat, ja oahppásat politiijaide ovdalaččas.
