Dutket ovtta finnmárkulačča ja njeallje romsalačča rohcošanfierpmádagas

21/11/2016 13:56

Ođasmahtton: 02/07/2019 18:57

Finnmárkku politiijat dutket ovtta finnmárkulačča gii galgá leat mielde rohcošan-fierpmádagas man leat dutkame Bergenis, dutkan mii gohčoduvvo «OP Dark Room». Davvi-Norggas leat čieža olbmo dutkamis.

Operašuvdna Dark-Room

* Dutkan álggahuvvui 2015:s go okta dutki Vest politiijaguovllus fuobmái stuorát fierpmádaga maŋŋel go válde gitta nuorra dievddu Bergenis gii galgá rohcošan ovttain 14-jahkásaččain.

* Operasjon Dark Room ásahuvvui, mas ulbmil lei bissehit rohcošemiid.

* Leat máŋga aktiiva fierpmádaga gos olbmot deaivvadit geat hirbmosit liikojit mánáide ja juogadit govaid ja filmmaid main seksualálaš illástemiid dahket mánáiguin.

* 150 terabyte dihtorosiid leat duoguštan, ja lea okta dain stuorimus duoguštemiin Norgga historjjás.

* Politiijat leat gávdnan badjel 5000 geavaheaddjenama iešguđet ságastallanbáikkiin interneahtas.

* Sii geat leat seahkánan áššái leat iešguđet «servvodatsurggiin». Ollugiin lea alla oahppu ja IT-oahppu.

* 18 dain 51 olbmos geaid politiijat leat váldán gitta, ásset Hordalánddas. Guokte ášši leat heaittihuvvon. 31 ášši leat dutkame miehtá riikka. Lassin lea vel okta olmmoš olgoriikkas gean dutket.

* Politiijat leat bidjan ollu návccaid ođđajagi rájes dutkanbargui.

* Operasjon Dark Rom dutkamis leat mielde 25 dutki Vest-politiijaguovllus, geat leat ovttasbargan Kriposiin, sihke áššiid ektui ja vuogádatovdánemiin.

* Erenoamášdutkit datakrimas, analytihkkarat ja dutkit geain lea erenoamášoahppu leat ovttasbargan joavkkuin dutkama oktavuođas. (©NTB)

Ášši lea dutkamis ja Finnmárkku politiijat eai sáhte buktit eanet dieđuid su birra gean dutket, eai ge muitalit man aktiiva son lea leamaš fierpmádagas.

Politiijat ballet ahte sáhttá billistit viidáset dutkama jus addet dieđuid beare árrat.

– Mii buktit eanet dieđuid go lea vejolaš dutkamis, muitala Finnmárkku politiijaguovllu áššáskuhttinjođiheaddji Morten Daae preassadieđáhusas.

NTB almmuha maid ahte Romssas leat politiijat njeallje dievddu dutkame, ja Nordlánddas guokte. Muđuid leat 51 olbmo dutkama vuolde olles riikkas.

Ášši beaggigođii skábmamánu 19. beaivvi riikkamediain.

Dutket ovtta finnmárkulačča ja njeallje romsalačča rohcošanfierpmádagas

Finnmárkku politiijat dutket ovtta finnmárkulačča gii galgá leat mielde rohcošan-fierpmádagas man leat dutkame Bergenis, dutkan mii gohčoduvvo «OP Dark Room». Davvi-Norggas leat čieža olbmo dutkamis.

Operašuvdna Dark-Room

Guoskevaš artihkkalat

Politiijat háliidit cavgilemiid

Biila­lihkohisvuohta

Čogádedje skuter­vuoddji gitta

Biilalihkohisvuohta

Čogádedje skutervuoddji gitta