Politiijat leat bidjan johtui dutkama maŋŋel go olmmoš gávdnui jápmán Leavnnjas, Finnmárkkus.
Okta olmmoš lea gávdnon jápmán ásodagas Leavnnjas. politiijaid dieđuid mielde sáhttá olmmoš leat niibbin čukkohallan. Politiijat ožžo dieđu dáhpáhusa birra odne birrasii 15.30 áigge, ja leat mannan báikái.
– Mii leat váldán gitta ovtta gii navdojuvvo sivalažžan, ja áigot eahkeda mielde dutkagoahtit dáhpáhusa taktihkalaččat ja teknihkalaččat, dieđihit Finnmárkku politiijat Twitteris.
Politiijat eai áiggo vuos duođi eambbo muitalit dáhpáhusa birra.
Ávvir čuovvula ášši eahkeda mielde.
