Politiijat leat almmuhan nama sus gii duššai buollimis Leavnnjas. Dat lei 57-jahkásaš Tom Oddvar Andersbhær gii duššai.
Bearjadaga čuovganeamis buolligođii Leavnnjas viessu mas leat moadde ásodaga. Okta njealji olbmos, gii lei viesus, duššai buollimis, maŋŋel go heahteveagat bohte báikái.
Politiijat leat dál oapmahaččaiguin fárrolaga almmuhan dievddu nama, ja lei ge 57-jahkásaš Tom Oddvar Andersbhær gii duššai buollimis.
Leansmánni Siri Ulverud dajai bearjadaga Ávvirii ahte lea vuos beare árrat dadjat manne almmái duššai ja ahte almmái galgá rumašiskkadeapmái.
Politiijat leat ain dutkame buollima.
