-Almmuhus-
-Almmuhus-
OĐĐASAT Duođalaš bargo­lihkohis­vuohta Álttás

Duođalaš bargo­lihkohis­vuohta Álttás

-

-

Almmáiolmmoš lea jáhkkimis gahččan 2-3 mehtera betoŋŋaláhttái ja metállaskábe vel gahččan albmá ala. Almmái lea fievrriduvvon helikopteriin buohccivissui.

Lihkohisvuohta geavai Elektronor AS fitnodagas Áronjárggas, Álttás, čállá Altaposten. Politiijat ožžo dieđu dáhpáhusa birra sullii diibmu 10 vuossárgga iđida.

Politiijat eai dieđe sihkkarit man vearrát almmái lea roasmmehuvvan.

– Son lei jámalgan. Orru leame hui duođalaš, dadjá Øvergård.

Diibmu 12.15 dadjá Øvergård NTB:i ahte almmái ii leat vel gullán, muhto muitala eará dieđuid.

– Mii čađahat teknihkalaš ja taktihkalaš iskkadallamiid báikkis vai gávnnahit mo dát sáhtii dáhpáhuvvat, dadjá Øvergård.

Ii oktage lean vihttan lihkohisvuhtii. Guokte montevrra leigga boahtán báikái ja gávnnaiga albmá láhttis, fitnodateaiggáda, Raymond Solheima, dieđuid mielde.

Dearvvašvuođabargit dikšo albmá báikkis ovdal go ambulánsahelikopter fievrridii albmá Romsii Universitehtabuohccivissui Davvi-Norggas (UNN) sullii diibmu 11.30 vuossárgga.

Ášši lea dieđihuvvon Bargobearráigehččui.

Altaposten čállá maŋŋelgaskabeaivvi ahte almmái ii lean dattege nu bahuid roasmmahuvvan muhto lea geahču vuolde buohcceviesus.

(©NTB)

-Almmuhus-