Stuoradiggi doarju evttohusa 100 miljárdasaš heahteveahki fitnodagaide geaidda váikkuha koronakriisa.
Ulbmil lea dáinna evttohusain lea dáhkidit 90 proseantta unnit fitnodagaid ođđa loanaid loatnasupmis.
Báŋkkuin galgá leat vejolašvuohta atnit dáhkádusa gitta 50 miljovnna ruvdnosaš submái juohke fitnodaga ovddas, geain leat unnit go 250 bargi.
– Ovttajienalaš ruhtadanlávdegoddi doarju doaimmaid maid ráđđehus lea bidjan ovdán stádaráđis odne, lohká áššejođiheaddji Sigbjørn Gjeldsvis (Sp) NTB:ii.
50 miljárdda Stáda obligasjonsfoanddas
Stáda Obligasjonsfoanddas biddjo 50 miljárdda ruvnno dan váste ahte stuorát fitnodagaide galgá leat vejolašvuohta oažžut buoret máksinnávcca.
