Finnmárkku politiijat ožžo olu dieđuid duorastaga maŋŋelgaskabeaivvi. Olbmot ledje oaidnán čuovgga almmis.
Finnmárkku politiijat ožžo olu dieđuid duorastaga maŋŋelgaskabeaivvi. Olbmot ledje oaidnán čuovgga almmis.
Astrofysihkar Knut Jørgen Røed Ødegaard ja su eamit Anne Mette Sannes áiguba jeđđet finnmárkulaččaid. Soai lohkaba ahte ii leat dárbu riŋget politiijaide, dahje ballat.
– Doaivumis lei dušše dollaspábba, lohkaba soai Dagbladet aviisii.
– Ii leat várálaš, lea áibbas dábálaš, ii ge dárbbaš jierásnuvvat, lasiha Røed Ødegård.
Meteorat
Tor E. Aslesen, Norgga astronomalaš searvvis, jáhkká maid diehtit mii lea maid Finnmárkkus ja Davvi-Suomas leat oaidnán.
– Dál lea meteorčoakkalmas jođus, Leoniidat, ja jáhkán dá lei dollaspábba dan meteorčoakkalmasas, lohká Aslesen.
Soames lei Suomas filbmen stuora dollaspáppa sullii beal guđa áigge. Dat nanne Aslesen teoriija.
Báris meteorčoakkalmas lei bearjadaga čuovganeamis. ©NTB
