Bargiidbellodaga gáibádusa nationála dásis suokkardit luossahálddašeami lea Sámediggi dohkkehan. – Dat dovdui mu siste, dadjá Bargiidbellodaga (BB) presideantaevttohas.
– Dieđusge lean movtta go Sámedikki eanetlohku čuovvula min politihka, muhto seammás ii berre leat dárbbašlaš mannat nu olu vuoruid áššis mas leat ovttaoaivilis, dadjá Ronny Wilhelmsen preassadieđáhusas.
Bargiidbellodat ovddidii gáibádusa suokkardeapmái njukčamánu dievasčoahkkimis. Dalle sáddii dievasčoahkkin ášši Sámediggeráđđái, mii dieđihii ahte váldet mielde Sámediggedieđáhusas luosa birra.
– Mii leat máŋgii evttohan dan gos NSR, GB ja reasta eanetlogus eai leat čuovvolan. Lei muhtin áiggiid moivvas go eanetlohku sihke ákkastalle ja jienastedje min vuostá, ja de bohte seammalágan evttohusain, maid de gesse ja jienastedje osiid min evttohusas, dadjá Wilhelmsen.
Presideantaevttohasa dieđuid mielde ii leat gáibádus doarvái bures fuolahuvvon luossadieđáhusas, ja Bargiidbellodat evttohii ođđa suokkardeami áššin dievasčoahkkimis.
