Oarje-Finnmárkku politiijat šadde mannan ija bissehit rikkearaid máŋgga sajis.
Oarje-Finnmárkku politiijat šadde mannan ija bissehit rikkearaid máŋgga sajis.
Sihke Hámmárfeasttas ja Álttás šadde politiijat bissehit riejaid máŋga priváhta feasttain.
Maiddái olgobáikkis, sihke Hámmárfeasttas ja Álttás, šadde politiijat moaddása bidjat olggos go ledje rikkeremin.
Hámmárfeasttas lei maid muhtin hoteallaguossi rikkeremin resepšuvnnas. Politiijat dolvo su latnjii ja ávžžuhedje su doppe orrut dassái go čielga.
Mannan ija maid ožžo politiijat cavgileami ahte muhtin vuojaša mopedain ja muosehuhttá ráfi. Politiijat geahččaledje čuovvut ja bissehit vuoddji, muhto eai nagodan dan.
Hámmárfeasttas ledje muhtin ásodagas doarrumat. Almmái lei časkkahallan ámadadjui ja lei bohtanan ja varddii. Politiijat ávžžuhedje su váldit oktavuođa doaktáriin.
Honnesvágis lei ruoššaid ja norgalaččaid gaskkas riidu muhtin olgobáikkis. Politiijat šadde mannat gaskii ja sis ledje máŋggalágan čilgehusat áššis. Sii váidojuvvot.
Dán dieđiha Finnmárkku politiijaguovlu twitteris.
