Sámediggi juolluda 500 000 ruvnno Sámi allaskuvlii, vai čielggada sámegiel buohccidivššároahpu.
Sámediggi juolluda 500 000 ruvnno Sámi allaskuvlii, vai čielggada sámegiel buohccidivššároahpu.
– Mis váilot sámegielat buohccidivššárat, earenoamážit sámegiel-hubmi buohccidivššáriid, ja sámegielhubmi fágaolbmot leat eaktun dasa ahte sámegiel divššohasat ožžot heivehuvvon ja ovttadássásaš bálvalusaid, lohká sámediggepresideanta Aili Keskitalo preassadieđáhusas.
Dárbu čielggadit oahpu
Sámi allaskuvla lea ovdal ovttasbarggus UiT:in čađahan buohccidivššároahpu. Dál oidnet ahte lea dárbu čielggadit lea go vejolaš bidjat johtui oahpu Sámi allaskuvllas, ja makkár hámis dat galgá leat.
Sámediggepresideanta Aili Keskitalo lohká ahte dát ovdaprošeakta ovddida máhtu mii lea dárbbašlaš jus galgá ásahit bissovaš oahppofálaldaga buohccidivššároahpus ja juolluda danin doarjaga prošektii nu go lei ohccojuvvon.
Ovdaprošeakta galgá leat válmmas 2017 loahpas.
