Sámediggi lea juolludan oktiibuot 656 000 ruvnno golmma ohccái máŋggabealálaš ealáhusain.
Dás oainnát geaidda:
– Bugøynes Fiskeriservice AS Buođggáin lea ožžon 126 000 ruvnno prošektii «Bugøynes Explore», mii fállá iešguđetlágan mátkeealáhusbálvalusaid Buođggáin.
– Kievra AS Deanus lea ožžon 130 000 ruvnno nannet ja heivehit fitnodaga márkanii ja álggahit kafea hárjehallanvistti lahkosis.
– Varangerboden Arild Wiltmann Kero Vuonnabađas lea ožžon 400 000 ruvnno ain ovddidit iežas konseapta mii guoská báikkálaš borramušaide, duodjái ja ijasteapmi.
– Lea somá go mii sáhttit doarjut ealáhusaid Sámis. Sámi guvlui lea juohke nanu prošeakta dehálaš resursa, dadjá sámediggepresideanta Silje Karine Muotka preassadieđáhusas.
Doarjja lea juolluduvvon Sámedikki máŋggabealálaš ealáhusaid doarjjaortnega bokte.