Diplom-Is logo govus rievdá njuorjonáhkkebiktasis dábálaš dálvebiktasiidda vai ii čadno eamiálbmogii.
Kampanje aviisii dadjá Diplom-is márkan- ja buvttaovdánahttindirektevra, Anne Borgen Sturød, ahte fitnodagas rievdá logo vai mearkagálvu lea gearggus boahtteáigái.
Ođđa almmuhusas logos ii galgga govvosis njuorjonáhkkebivttas oaivaduvvon Ruonáeatnama eamiálbmogis. Bivttas rievdá gahpirii ja dálvejáhkkii. Govvosa namma «Eskimonika» maid rievdá.
Go jearrá manne jávkadit eamiálbmotbiktasa, vástida Borgen Sturød ahte lea juoga man birra leat leamaš diđolaččat go fitnodat álggos áiggui rievdadit logo.
– Mii eat hálit loavkidit geange dahje geavahit eamiálbmoga dainna lágiin, dadjá son aviisii.
Árabut dán jagi leat máŋga eará fitnodaga Norggas cuiggoduvvon go geavahit eamiálbmogiid iežaset mearkagálvvuin, ja Nortura einnostii nammarievdadeami ja logorievdadeami Joikakaker-gálvvus.
(©NTB)
