Dán jagi leat dušše gaskal 25 ja 30 vuovdi geat servet Johkamohkemárkaniidda.
Johkamohki dálvemárkanat lágiduvvojit dán jagi digitálalaččat, muhto ollu vuovdit eai searvva vuovdit iežaset gálvvuid oktasaš digitála čovdosa bokte. Dábálaččat leat máŋgačuođi vuovdi geat vuvdet iežaset gálvvuid márkaniin. Digitála čoavddus gárttai beare divrrasin, čállá oddasat.se
Searvat digitála márkaniidda máksá 5000 ruvnno sidjiide geat lávejit vuovdit iežaset gálvvuid Sámi Åhpadusguovdasja lanjain. Dát supmi lea 3000 ruvnno eambbo go maid muđui láve máksit olles vahkkoloahpa ovddas, dieđiha oddasat.se.
