Muhtin dievdu lei mannan várrái tuvrra vázzit bearjadaga 12-áigge Forsøla lahkosis, muhto ii deaivan šat ruovttoluotta gillái seavdnjadasas. Politiijat doalahedje oktavuohta dievdduin telefuvnna bokte.
Politiijat geahččaledje politiijabiilačuovggaiguin šleađgut, vai dievdu sáhttá vázzit čuovggaid guvlui.
Vulge viežžat dievddu
Rukses Ruossa fertii vuolgit ohcat dievddu ATV-sihkkeliin, go maŋŋi eahkedis ii lean vel ollen vulos váris. Dievdu gávdnui 03.35 ja lei galbmon.
– Son lea gávdnon ja dovdo bures ahte lea leamašan mátkis bearjadaga 12 rájes. Dearvvašvuođabargit isket su dál, dieđihit Nuorta-Finnmárkku politiijat Twitteris.
