Namma: Arne Josvald Sabbasen
Ahki: 65
Guovlu: Deatnu
1. Maid mearkkaša sátni Tråante?
– Trondheim dárogillii. Troandin sámegillii. Riekta!
2. Gii lágidii vuosttaš sámi riikačoahkkima Troandimis 1917:s?
– Dat gal lei diet nisu mas ledje guokte nama, Elsa Laula. Riekta!
3. Gii lea čállán girjji «Máilmmi láikkimus olmmoš»?
–«Máilmmi láikkimus olmmoš».. dan gal ferte Jovnna Ándde West čállán. Boastut!
Rievttes vástádus: Elle Márjá Vars
Go Sabbasen ii vástidan riekta buot golbma vuosttaš gažaldaga, de son ii mannan viidáseappot gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás 5 čuoggá.
Sabbasen vállje alit ivnni, ja mii jearrat sus dán árvalusa:
Ovllás ja Márehis leat guhtta nieidda, juohke nieiddas lea okta viellja. Galle olbmo leat sii oktiibuot bearrašis?
Sabbasen álgá rehkenastit ja smiehtada veaháš ovdal son vástida.
– Sii gal leat ovccis, reašká son.
Galle čuoggá oktiibuot: 12 čuoggá.
Juohke gilvaleaddji beassá hástalit ođđa gilvaleaddji Ávvira geassegilvui. Sabbasen háliida hástalit Merete Sabbasen Helander searvat Ávvira geassegilvui.
