Álttá ja Romsa lea guovttis logi báikkis mat ožžot doarjaga čuoiganrusttegiidda Seastinbáŋkkus.
Seastinbáŋkku 1 Davvi-Norga ja Norgga čuoiganlihttu hástaledje čuoiganservviid ja suohkaniid plánet báikkálaš čuoiganrusttegiid, ja lohpidedje doarjut buoremus plánaid. Dan čállá Seastinbáŋkku 1 Davvi-Norga sin neahttasiidduin. Sii ožžo 39 ohcamuša, ja dál lea válljen logi prošeavtta mat ožžot gitta 1 miljovnna ruvnno.
– Dál álggahuvvojit logi buori deaivvadanbáikki mat buktet ollu čuoiganilu ja doaimma, ja maiddái dollagáfe ja buriid ságastallamiid. Buot rusttegat bovdejit buohkaid leat mielde lagasservodagas, sabehiiguin dahje sabehiid haga. Dat buktá orrunmovtta ja soaitá vel buktit boahtteáigásaš čuoigannásttiid, dadjá ráđđeaddi Geir Bakkevoll Seastinbáŋkku 1 Davvi-Norggas preassadieđáhusas.
Dáidda báikkiide bohtet čuoiganrusttegat:
-Mussir -Tverlandet -Gávvalváhki -Ankenes -Sážžá -Bardugorži -Romsa -Áltá -Hámmárfeastta -Bearalváhki
