Dearvvašvuođaerohusat unnot olu Eurohpá riikkain, muhto Norggas gal lasket, čájeha 2018 Álbmotdearvvašvuođaraporta.
Dearvvašvuođaerohusat unnot olu Eurohpá riikkain, muhto Norggas gal lasket, čájeha 2018 Álbmotdearvvašvuođaraporta.
Maŋimuš logijagiid lea norgalaččain buorránan dearvvašvuohta ja olbmot ellet guhkit.
Dearvvašvuođaerohusat lassánišgohte 2010:s ja jáhkkimis váikkuhit sosioekonomalaš ja geográfalaš erohusat dasa.
– Olbmuid eallindábit váikkuhit erohusaide. Sis geain lea alla oahppu ja buorre dienas borret eanet dearvvašlaš borramušaid ja sii leat eanet aktiiva. Borgguheamis lea maid stuora dadjamuš sosiála dearvvašvuođaerohusaide. Olbmuid searvvis geat dušše leat čađahan vuođđoskuvlla leat viđa gearddi eanet borgguheaddjit go sin searvvis geat leat gazzan oahpu allaskuvllain dahje universitehtain, dadjá Álbmotdearvvašvuođainstituhta seniordutki Bjørn Heine NTB ođasdoaimmahahkii.
