Dálkkádat- ja birasdepartemeanta lea ikte sádden gulaskuddamii ođđa šiehtadusevttohusa Deanočázádaga birra. Evttohus galgá maid Suomas gulaskuddamii.
Dálkkádat- ja birasdepartemeanta lea ikte sádden gulaskuddamii ođđa šiehtadusevttohusa Deanočázádaga birra. Evttohus galgá maid Suomas gulaskuddamii.
– Šiehtadus máksá ahte sáhttit oažžut bissovaš guolásteami dehálaš ja hearkkes luossanáliin Deanus. Evttohusa bokte oažžut buoret stivrejumi turismabivdiin, mii lea hehtten báikkálaš olbmuid árbevirolaš guollebivddu, muitala dálkkádat- ja birasministtar Vidar Helgesen.
Evttohus
Váldomihttu ođđa šiehtadusain lea guovtti oasis: Heivehit guollebivddu vai buoridit luossanáli. Dan sáhttá olahit jus unnida guollebivddu, ja ođđa šiehtadusas evttohuvvo unnidit guollebivddu 30 proseanttain.
Nubbi mihttu lea oažžut buoret stivrejumi guossebivdiid badjel, nu ahte ii hehtte báikkálaš ássiid árbevirolaš oagguma.
Vuohki movt dan olahit lea ráddjet galle bivdinkoarta sáhttá vuovdit guossebivdiide, ja evttohuvvo bidjat ráji 22 000 jándorkortii maid Norga ja Suopma juogadit.
Šiehtadus galgá plána mielde álit doaibmagoahtit ovdal 2017 oaggunáigodaga. Dan čállá Dálkkádat- ja birasdepartemeanta neahttasiiddustis.
