1200 bargi Suoma fitnodagas ožžot dieđuid sámegillii go PwC Suopma oassálastá Sámi giellavahkkus.
Dán vahkku bohtet sámegiela árvvut buot PwC Suoma 1 200 bargi njuni ovdii, danin go davvisámegiel árvvut oidnojit dihtoriid šearpmasestiin olles vahkku.
PwC árvvut leat maid jorgaluvvon sámegillii ja sii leat siskkáldasat almmuhan Pirita Näkkäläjärvi, gii bargá fitnodagas, bloggačállosa suoma-, eaŋgalas- ja davvisámegillii, mas son muitala sámegielaid birra.
PwC lea Suoma fitnodat, mii gullá álbmotgaskasaš PwC-fierpmádahkii, mii doaibmá 157 riikkas. Sii doibmet iesǧuđetlágan fitnodagaid ráđđeaddin ja sin bálvalusaide gullet earret eará fitnodagaid jođiheddjiid konsulteren, fitnodatgávppit, ruhtadoallodárkkisteapmi ja eará sihkkarastinbálvalusat, vearrorávven, láhkabálvalusat, riskkaidhálddašanbálvalusat ja fitnodatvástobálvalusat.
