Suoma sámedikkis ii leat vuos čielggas gii váldá badjelasas presideantaámmáha. Muhto Norgga sámedikki presideanttas lea čielga sávaldat.
Suoma sámedikkis ii leat vuos čielggas gii váldá badjelasas presideantaámmáha. Muhto Norgga sámedikki presideanttas lea čielga sávaldat.
Suoma sámedikki presideantaámmáha gilvvus leat dán háve mielde dievva evttohasat. Yle Sápmi dieđuid mielde logemat áirasa leat suokkardallame searvat presideantaámmáha gilvui. Sihke válgavuoit Anu Avaski Anáris gii faskii 205 jiena Suoma sámediggeválggain ja dálá prseideanta Tiina Samila-Aikio gii oaččui nubbin eanemus jienaid 190 leaba gergosat presideantaámmáhii.
Galgá beroštit davviriikkalaš ovttasbarggus
Norgga sámedikki presideanta Aili Keskitalo lea čuvvon Suoma sámedikki válggaid. Son sávvá, ahte boahttevaš baji presideanta juohká beroštumi rastá riikkarájáid.
– Válljen gal lea Suoma beale sámedikki áirasiid duohken oalát, muhto mun sávan, ahte dat lea dakkár kandidáhtta, geas lea beroštupmi buot sámiid ovttasbargui, boahtá ovdan Aili Keskitalo mearkášumis Yle Sápmái.
