Russaáigodat lahkonišgoahtá ollu sámebáikkiin. – Russa lea go ávvudit skuvlla loahpaheami, muitala Elen I. Gaup (23), dán jagáš russa Guovdageainnu sámi joatkkaskuvllas ja boazodoalloskuvllas. Ii ge loga áigumuša ávvudit dán nu stuorrát.
Russaáigodat lahkonišgoahtá ollu sámebáikkiin. – Russa lea go ávvudit skuvlla loahpaheami, muitala Elen I. Gaup (23), dán jagáš russa Guovdageainnu sámi joatkkaskuvllas ja boazodoalloskuvllas. Ii ge loga áigumuša ávvudit dán nu stuorrát.
Elen lea kaféas go válddán suinna oktavuođa. Kaféa ge šattai báikin gos šiehtadeimme deaivvadit. Elen iežas irggiin ja iežaska mánáin ja olbmát leat kaféas boradeame gaskaborramuša go skuvihan sisa. Irgi váldá máná dán boddii go galge Eleniin humadit.
– In dieđe mo galggan čilget mii lea russa. Go leat čađahan 13 jagi skuvlla. Dát álo leamaš čađat joatkkaskuvllas, muitališgoahtá Elen.
Eambbo čáhppesrussat
Juste dan muttos áiggi ii vuhtto nu bures ahte russaáigodat lahkonišgoahtá. Muhto jo miessemánu álggus gitta miessemánu 17. beaivái, ollu márkanbáikkiin Norgga beale Sámis galget oidnot nuorat geain leat rukses, čáhppes, oránša dahje eará ivnnat biktasat. Guovdageainnus leat čáhppes- ja ruksesrussat.
– Mii leat vissa 13 russa Guovdageainnus. Eanaš leat čáhppesrussat, moattis leat ruksesrussat.
Čáhppes bivttas russas mearkkaša dan ahte olmmoš lea gárveme oahpu ámmátoahpus, ámmátsuorggis, nu mo dahká Elen I. Gaup go čađaha 2-jahkásaš duodjeoahpu. Ruksesrussat leat dat geat čađahit ovdamearkka dihte valáštallansuorggi, media, gulahallansuorggi, dánssa, musihka ja eará surggiid.
– Gávdnojit iešguđet ivnnit russain. Min skuvllas leat dát guokte.
Vuoruha skuvlla
Russaid ávvudeamit leat boahtte mánu. Norgga riikamediat soitet, nu mo diibmá dagai NRK, bidjat johtui russaid birra prográmmaid. Dalle goit journalisttat ledje viššalat muitalit earret eará russafeasttaid birra ja ekonomiija bealli lei maiddái guovddážis.
– Na dat gal dieđus, muhtimat válljejit festet ollu. Mun goit in meidne nu ollu bargat russaáiggi. Munnje dát lea eambbo skuvlla loahpaheapmi go festen. Ná Romssas beare finan russaid deaivvadeamis, miessemánu 13. beaivvi. Muđui in áiggo stuorrát ávvudit mo ge. Soaittán beare boaris dakkár ávvudeapmái, muhto gal dan ferte oaidnit.
Áiggit rivdet
Elen I. Gaup irgi čohkká min lahkosis ja gullá munno Eleniin ságastallama. Su mielas gulul váldit lea áibbas ortnegis.
– Ovdalaš áigi leamaš hui hárve go russa ávvuda gulul. Dalle go mun ledjen russa, de lei beare okta čielggus olles russaáiggi, ja vuittii várra mopeda dalle. Áiggit rivdet. Gal dat lea áibbas ortnegis gulul váldit.
– Mu namma galgá leat
Vaikko Elen ii oainne dárbun stuorrát ávvudit, de lea jo ráhkkanišgoahtán.
– Gávdno neahttasiiddu gos sáhttá diŋgot russabuvssaid. In leat áibbas geargan hábmemis, muhto oba sihkar ahte mu namma galgá leat das.
Presideanta ja eaktodáhtolaš doaibma
Dáđi bahábut Ávvir ii lihkostuvvan oažžut ságaide Guovdageainnu russaid presideanta, Tor Ivar Eira. Russa lea eaktodáhtolaš astoáigedoaibma. Russain ge lea iežaset stivra.
–
