Álggos leat golbma gažaldaga, jus daid máhtát, de manat viidáseappot gilvvus.
Namma: Elin Magga
Ahki: 38
Guovlu: Hesseng
Bargu: Girkonjárgga searvegotti kantuvrras
1. Maid bargá olmmoš gii dunttarda?
– Vuoi hearrásivdnit, pass, boagusta Elin Magga. BOASTUT!
Rievttes vástádus: hupmá olu, jođánit ja njálmmi siste.
2. Dál aiddobáliid lea ilbman CD man namma lea ALO. Gii lea lávlu?
– In mun muitte dien ge, in leat čuvvon mii lea dáhpáhuvvan geasset. BOASTUT!
Rievttes vástádus: Marit Hætta Øverli.
3. Mo joatkkašuvvo dát sálbma: «Ráhkisvuohta mii boahtá Ipmilis…»
– He-he-he, dát lea oba heahpat. Mun čohkkán searvegotti kantuvrras ja in muitte. Makkár ágga mus dál lea
vástidit pass.. Mun ferten vástidit pass. BOASTUT!
Rievttes vástádus: «..čielga ájan golggiida.»
Go Magga ii vástidan riekta buot golbma vuosttaš gažaldaga, de son ii mannan viidáset gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dát lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás ges 5 čuoggá.
Magga vállje ruoná ivnni ja mii jearrat sus dán árvalusa:
Gii lean mun gii lean nu rašši ahte in gierdda dan ge jus namuhat mu nama?
– Lea go dat vejolaš. Dál gal ii lean mu beaivi, boagusta Magga. BOASTUT!
Rievttes vástádus: Jaskatvuohta.
— Mun in lean áibbas gearggus dáid gažaldagaide. Mun fertejin gal searvat go Nancy hástalii, dát lei suohtas.
Galle čuoggá oktiibuot: 0 čuoggá
Juohke gilvaleaddji beassá hástalit ođđa gilvaleaddji Ávvira geassegilvui, ja Magga háliida hástalit Atle Magga searvat Ávvira geassegilvui.
Njunnošis Ávvira geassegilvvus dál: Lemet Ánde Stueng 16 čuoggáin