Namma: Kátjá Márjá Berg Grønnli
Ahki: 19
Guovlu: Kárášjohka
1. Gokko leat goađis bearpmehat?
– Uksaguoras guokte muora mat deaivvadeaba, amma lea riekta? Riekta!
2. Mii lea Jens Martin Mienna vuosttaš mánáidgirjji namma?
– Hearrán. In duohta dieđe go mus eai leat mánát. In ge loga girjjiid, čaibmá Berg. Boastut!
Rievttes vástádus: Fastteshurvi
3. Mii lea Sodankylä sámegillii?
– Dán mun gal muittán. Lei go son juoga njárga? Sodannjárga. Boastut!
Rievttes vástádus: Soađegilli
Go Berg ii vástidan riekta buot golbma vuosttaš gažaldaga, de son ii mannan viidáseappot gilvvus. Son dattetge beassá geahččalit vástidit árvádusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvádus lea váddáseamos, ja jus vástida riekta, de oažžu 15 čuoggá. Alit árvádusas faske 10 čuoggá ja ruonás 5 čuoggá.
Berg vállje alit ivnni, ja mii jearrat sus dán árvádusa:
Lea go Troandimis lohpi náitalit iežas leaska oappáin?
– Ii, mun in jáhke gal dat lea lohpi. Riekta!
Galle čuoggá oktiibuot: 11 čuoggá
Juohke gilvaleaddji beassá hástalit ođđa gilvaleaddji Ávvira geassegilvui. Berg háliida hástalit Olav Ailu Eira searvat Ávvira geassegilvui.
Njunnošis: Vibeke Larsen 13 čuoggáin