Dievdofinálas Finnmárkkumeašttirgilvvuin spárkečierasteamis lei Team Lantto birgetmeahttun ja Team Elite mii dassážii lea juohke jagi vuoitán ii doalahan šat Finnmárkkumeašttirnamahusa.
Dievdofinálas Finnmárkkumeašttirgilvvuin spárkečierasteamis lei Team Lantto birgetmeahttun ja Team Elite mii dassážii lea juohke jagi vuoitán ii doalahan šat Finnmárkkumeašttirnamahusa.
Finnmárkku meašttirgilvvut spárkečierasteamis (Downhill) lágiduvvo 5. geardde Mázes gaskavahkku.
Favorihtat eai birgen dán háve
Team Elite lei stuorra favorihta dievdduid luohkás go soai leaba ge vuoitán juohke jagi. Maŋŋel go soai beasaiga semifinálii, de gal leigga áibbas sihkkarat ahte soai vuoitiba, muhto nu ii geavvan.
Team Lantto lei birgetmeahttun ja soai vuittiiga standard ja prospark luohká.
Prospark gilvui soai leigga ráhkadan hui earenoamáš spárkka mas lei hui álki lonuhit sajiid, nu eaba dárbbahan bisánit go lonohallaba sajiid.
Team slowmotion vuittii
Diimmá nissonluohká vuoitit eaba lean mielde dan jagi, ja de lei ge Álttá joavku Team Slowmotion mii vuittii álkit.
22 joavkku serve
Dievdoluohkás oassálaste 7 joavkku, nissonluohkás 2 joavkku ja nuoraidluohkás 3 joavkku. Ja lei vel show-luohkká masa serve sullii 10 joavkku.
Luohkká lea sullii 750 mehtera guhkki. Galget leat guovttis seamma spárka alde go čierasta ja gasku luohká lonuheaba sajiid. Vuoiti manná viidásit semifinálii ja nu ain finálii
Manne njuovžilit
Lágideapmi manai oalle njuovžilit, ii dárbbahan čuožžut, galbmot ja vuordit nu go láve šaddat.
Čállán ja govven: Anders Nils J. Eira