Politiijat Finnmárkkus bivdet olbmuid sihkkarastit luovos diŋggáid ovdal dálki boahtá.
Yr.no dálkedieđáhus dieđiha garra orjješ riđu biekkusit báikkiin, muhtomin uhcit stoarbma.
Dan dihte ávžžuhit ge Finnmárkku politiijat olbmuid leahkit várrogasat, ja sihkkarit iežaset biergasiid.
— Mii ávžžuhit olbmuid sihkkarastit luovos biergasiid, go lea dieđihan garra dálkki Finnmárkku riddui odne eahket, čállá Oarje-Finnmárkku politiija operašuvdnaguovddáš Twitteris.
Nuorta-Finnmárkku politiija operašuvdnaguovddáš ges dieđiha heitot siivvu, borgga ja biekka dihte.
