Son čievččai vuosttaš geardde sámi spábbačiekčangilvvus 40-jagi áigi, dál son lei mielde vuoitime Skuohtanjárgga ovddas golli Verddečiekčamiin.
Son čievččai vuosttaš geardde sámi spábbačiekčangilvvus 40-jagi áigi, dál son lei mielde vuoitime Skuohtanjárgga ovddas golli Verddečiekčamiin.
– Dat lea somá geassesiidda namas vuoittit, erenoamáš somá mu mielas, lohká Mikkel Nils D. Sara.
Son ávvudii leamaš 40 jagi mielde sámi spábbačiekčamis. Vahkkoloahpas son lei joavkojođiheaddji ja čiekči Skuohtanjárgga gollejoavkkus.
Samecupas álggii
Sara čievččai vuosttaš geardde Samecupas 1976. Dalle Kárášjoga Johttisámiidsearvvi namas. Maŋŋel ásahedje orohagas joavkku, fárrolaga ránnjá orohagain, ja bidje nama Skuohtanjárgga ja Máhkarávjjo siida.
Lohkameahttun olu gollit
Sara lea dan álggu rájes vuoitán olu golliid sámi spábbačiekčamis.
Ieš son muitala lea vuoitán measta lohkameahttun olu golliid sámi spábbačiekčamis.
– Na mus ii gal leat lohku dasa, dadjá son go Ávvir jearrá sus olu golliid lea son vuoitán sámi spábbačiekčamis áiggiid čađa.
Diehttelasat lea son maid čiekčan sámi riikajoavkkus.
37 joavkku čikče measta 100 kámppa mannan vahkkoloahpa Buvrovuonas, Davvi-Romssas. Visot manai njuovžilit, dušše okta joavku eai beassan šat čiekčat go ledje váldán mielde eambbo verddiid go lohpi lei.
Loga eambbo Verddečiekčamiid birra disdat Ávvira báberáviissas.
