Dál čuohpastit eret dovdomearkkaid jus it leat máksán jahkedivada.
Dál čuohpastit eret dovdomearkkaid jus it leat máksán jahkedivada.
Vuosttaš máksingáibádus jahkedivaga ovddas lei njukčamánus. Das maŋos leat lassi máksingáibádusat boahtán olbmuide geat eai leat máksán rievttes áigái.
212 vuojánis Guovdageainnus váldet dovdomearkkaid. Kárášjogas ges 161 vuojánis ja Porsáŋggus leat 239 vuojána main gáibidit dál dovdomearkkaid váldit.
Olles Finnmárkkus galget čuohppat 2811 dovdomearkka vuojániin go ii leat mákson jahkedivat. Dán dieđiha Duollodoaimmahat preassadieđáhusas.
Stuora sisaboahtu Stádii
Mohtorfievrruid jahkedivagat buktet ollislaččat 9,6 milljárdda sisaboađu stádakássii. Finmárkolaččain lea oktiibuot 5,3 miljovnna ruvnno mávssekeahttá.
– Divagat mat eai leat mákson, mannet viidáset Stáda bearranguovddážii (Statens innkrevingssentral), geat fas sáhttet bákkus geassit bálkkás dahje oajus dan mávssu. Sáhttet maid pántta váldit du opmodagas, čállá Duollodoaimmahat.
