-Almmuhus-
-Almmuhus-
OĐĐASAT Dál sáhttet skuvla­oahppit ohcat stipeandda

Dál sáhttet skuvla­oahppit ohcat stipeandda

-

-

Jus leat ožžon ja váldán skuvlasaji, de sáhtát dál ohcat doarjaga Loatnakássas.

– Buot oahppit joatkkaskuvllain sáhttet oažžut reaidodoarjaga Loatnakássas. Dán ohcá «Dine sider» siiddus lanekassen.no neahttasiiddus, muitala Loatnakássa hálddašeaddji direktevra Nina Schanke Funnemark.

Reaidodoarjaga, man buot oahppit nuoraidrivttiin joatkkaskuvlla oahpus sáhttet oažžut, galgá ruhtadit reaidduid maid oahppi dárbbaša oahpus. Das leat njeallje máksomeari, 1071 ruvnnos 4412 ruvdnui, ja man olu oahppi oažžu boahtá das makkár linjá vázzá. Reaidodoarjja mákso oktii juohke skuvlajagis.

Sáhttá iešguđet stipeanddaid oažžut

Gávdnojit maid eará doarjagat maid oahppi sáhttá ohcat. Sii geat eai oro váhnemiid luhtte, sáhttet ohcat olggobealássistipeandda (borteboerstipend). Dasa lassin lea muhtimiin riekti dienassorjavašstipendii (ovdal gohčoduvvon vuođđostipeandan) go váhnemiid dienas lea vuollegaš.

Jus leat vuollel 18 jagi, ferteba váhnemat vuolláičállit stipeandda. Schanke Funnemark ávžžuha digitála poastakássa ordnet ovdal go ozat, go de sáhttá elektrovnnalaččat vuolláičállit.

Sidjiide geat orrot ruovttus korona geažil

Oahppit geat fertejit fárret joatkkaskuvlla vázzima dihte, muhto fertejit ruovttus váhnemiid luhtte orrut koronadilálašvuođa geažil, rehkenastojuvvojit maiddái olggobealássin čakčat 2020.

- Advertisement -
-Almmuhus-