Jus ođđa jienasteddjiin lea dáhttu váikkuhit boahtte sámediggeválggain, de ferte dieđihit iežas Sámedikki jienastuslohkui ovdal geassemánu 30. beaivvi.
Jus áigu jienastit sámediggeválggain, de ferte leat dieđihuvvon Sámedikki jienastuslohkui.
Sámedikki jienastuslohkui lea vejolaš dieđihit vaikke goas, muhto jus háliida váikkuhit 2025 sámediggeválggaid, de ferte muitit iežas dieđihit jienastuslohkui ovdal go ođđa mánnu rahpasa.
– Sámedikki jienastuslohku geassemánu 30. beaivvi 2023 mearrida movt áirrasjuohku šaddá válgabiirriin čuovvovaš válggain. Jus háliidat mielde váikkuheame dasa, de fertet dieđihit iežat jienastuslohkui ovdal geassemánu 30. beaivvi, ávžžuha Sámediggi iežaset ruovttusiidduin.
Buot Norgga sápmelaččain geat leat badjel 18 jagi dahje devdet 18 jagi válgajagi lea riekti beassat Sámedikki jienastuslohkui. Sámedikki jienasteaddjit galget dovdat iežas sápmelažžan ja sis galgá leat sámegiella ruovttugiellan dahje sin váhnemiin, áhkuin, ádjáin dahje máttarváhnemiin galgá leat dahje leamaš sámegiella ruovttugiellan. Jus olbmos lea váhnen gii lea dahje leamaš Sámedikki jienastuslogus, de maid deavdá jienastuslogu gáibádusaid.
