Ollu olbmot fearggain ja ollu olbmot vuordime beassat fearggain Sállanii šaddá historján. Dán geasi lávkestat Rockefatnasii njuolga Álttás dahje Hammerfeastas.
Ollu olbmot fearggain ja ollu olbmot vuordime beassat fearggain Sállanii šaddá historján. Dán geasi lávkestat Rockefatnasii njuolga Álttás dahje Hammerfeastas.
Sørøyrocken ovttas Finnmárkku Fylkkagielddain leat ceggen ođđa mátkkoštanfálaldaga rockehasaide geat áigot Sørøyrockenii mii lágiduvvo Sállanis juohke geasi.
Hálbbit beassat go ovdal
– Bileahtat leat hálbbibut dán jagi ja sáhttit fievrredit eanet olbmuid go ovdal go festivála ieš lea láigohan jođánisfatnasa. Bileahtaid ii dárbbat ovdagihtii diŋgot, muhto baicce oastit fatnasis. Mii sávvat ahte ollugat vulget dáid fatnasiid mielde maŋemus vahkkoloahpa suoidnemánus, muitala beaivválaš jođiheaddji Kristin Alvestad.
Dehálaš fálaldat
– Fylkkasuohkan oaidná johtolatsihkarvuođa ektui fálaldaga buorrin dakkár doaluid oktavuođas. Olbmot besset guođđit biillaid, eai ge čohkkedit biilii gomaiguin dahje ballat ahte earát vudjet biillain gárrenoaivvis, lohka kommunikašuvdnaráđđeaddi Finnmárkku Fylkkasuohkanis, Kari Bjørkli Thomassen.
Maŋemus jagiid leat ollugat leamaš geat eai beasa feargga mielde ja leat šaddan vuordit nuppi tuvrra.
– Lea dieđusge dagahan ahte olbmot leat jierásnuvvon ja eddon go leat šaddan vuordit guhka, lohket lágideaddjit.
Sørøyrocken lágiduvvo suoidnemánu 23.beaivvis 25.beaivái. Fanas manná vel suoidnemánu 26.beaivvi Áltái ja Hammerfestii.
Ávžžuhuvvo guođđit biilla, ja čuovvut baicce jođánis fatnasa Ákŋoluktii Sállanis gos festivála lágiduvvo. Muđuid manna vel dábálaš biilafearga Sállanii.
