Lávvordaga šaddet fas skohtercrossagilvvut Kárášjogas.
Kárášjoga Motorklubb lágida «Snocross-gilvvuid« Kárášjoga skohtercrossašiljus lávvordaga njukčamánu 6. beaivvi. Dan dieđihit searvvi Facebook-siiddus.
Gilvvut lágiduvvojit dáin luohkáin: Mikro 6-8 jagi Mini 8-10 jagi Rekruhtta 11-14 jagi (Juhkkojuvvojit guovtti luohkkái vuddjiid dási mielde) Nuorat 14-16 jagi Nuorat+ 16-20 jagi
– Dát leat klubbagilvvut ja sáhttet boahtit rievdadeamit maŋŋel čoahkkima vuddjiiguin, dieđihit lágideaddjit.