– Lean go vuoitán miljovnna? Juo, mun oainnán ahte it dájo, don han riŋget Norsk Tippinga miljonearanummaris, 625 60 000, dadjá ilolaš áltálaš go Telefuvdna Hamaris riŋge sutnje bearjadateahkeda.
– Lean go vuoitán miljovnna? Juo, mun oainnán ahte it dájo, don han riŋget Norsk Tippinga miljonearanummaris, 625 60 000, dadjá ilolaš áltálaš go Telefuvdna Hamaris riŋge sutnje bearjadateahkeda.
Dievdu, gii lea badjelaš 40-jahkásaš, dárbbaša moadde minuhta jurdilit vai miljonearadilli vuodju su ipmárdussii, muitala Norsk Tipping preassadieđáhusas.
– Lean nu hirpmahuvvan, ja dál lean viimmáskan, dadjala son ja muitala ahte áigu olles vahkkoloahpa ávvudit.
– Dán gal ferte dieđusge ávvudit. Áiggun vuoššastit gáfe ja rokkastit cognac-bohttala, ja de leat álgán, lohká duhtavaš finnmárkulaš gii osttii vuoitoloatta mobiltelefuvnnain.
Illusáhka ránnjáide
Su ránnját ožžo maid illusága bearjadateahkeda.
– A-a, lea go duohta?, lohká dievdu gii lea badjelaš 20-jahkásaš go gullá ahte lea vuoitán 100 000 ruvnno, go lea okta dain lagamus ránnjáin sus gii vuittii miljovnna ja spealai seamma spealu.
– Dát han lei somás diehtu oažžut, ja lea buorre dovdu, dadjá ránnjá.
Oktiibuot leat vihtta lagamus ránnjážaga geat leat speallan seamma spealu go váldovuoiti, geat vuitet 100 000 ruvnno juohkehaš. Okta ránnjáin muitala champagnegorkka bonjastit vai bávkkeha dahkkái ja ávvudit bures.
Muđuid riikkas leat iešguđet báikkiin vuoitit geat vuitet maid 100 000 ruvnno ránnjážagaid spealus.
