Maŋŋel go aktivisttat čoahkkanedje Stuoradikki Vandrehallenii, juige ja protesterejedje Fovsse bieggapárkkaid vuostá, de lea Stuoradiggi mearridan čavget njuolggadusaid.
Rødt bellodaga stuoradiggeáirras Geir-Asbjørn Jørgensen bovdii golggotmánu aktivisttaid guossin Stuoradiggái. Dalle dat biehttaledje ge guođđit Stuoradikki ja ledje maid mearridan idjadit báikkis.
Maŋŋel dáhpáhusa čavge Stuoradiggi njuolggadusaid. Stuoradikki hálddahus lea sádden reivve dan birra bellodagaide, reivve lea Dagbladet oaidnán.
– Rievdaduvvon njuolggadusain lea čielgasit čállon ahte sus guhte vuostái váldá gussiid lea ovddasvástádus dasa ahte guossit eai báze iehčanassii vistái, eaige guossit galgga mainna ge lágiin vuorjat dahje bissehit Stuoradikki dábálaš doaimmaid, čuožžu reivves. (©NTB)
