Sis-Finnmárkkus lea dievdu sáhkkohallan go lea nissonolbmo časkán.
Finnmárkku politiijameasttir leat sáhkkohan ovtta čihččetlotjahkásaš dievddu go galgá časkán nissonolbmo ámadadjui. Dievddus lea čoavddagihppu vel leamaš gieđas go časkkii.
Sáhkku lea 10 000 ruvnno, dahje giddagassii mannat 20 beaivái.
Jus dievdu ii dohkket sáhku, de manná ášši diggái.
Jus diggái manná, de lea áktora čuoččuhus ahte dievdu galgá sáhkkohallat 12 000 ruvnnuin jus dubmehallá, dahje 24 beaivái giddagassii.
Dáhpáhus galgá leat geavvan ovtta gohttenbáikkis.
