Muhtin dievdu sáddejuvvui buohccivissui go lei garrasit doaruhuvvon priváhta báikkis.
Muhtin dievdu sáddejuvvui buohccivissui go lei garrasit doaruhuvvon priváhta báikkis.
Politiijat válde gitta nuppi dievddu maŋŋel doarruma, gii maid lea badjelaš 20-jahkásaš.
Politiijat dutket ášši ain viidáset, čállá Finnmárkku politiijaguovlu Twitteris.
Johtolatdárkkisteapmi
Politiijain lei lávvordateahkeda johtolatdárkkisteapmi Bossogobis Álttás ja bissehedje biilavuoddji, gii lea badjelaš 20-jahkásaš. Dievdu lei gárrendilis ja politiijat ásahit ášši dan ovddas.
Guossohanbáikkiin rigeremat
Báhcavuonas fertejedje politiijat sihtat muhtin nuorra dievddu guođđit guovddášbáikki mannan ija go lei rigeren nuppiin amas olbmuin.
Álttás ledje maid sihtán nuorra dievddu guođđit guovddáža go lei rigeren guossohanbáikkis.
Massii vuodjinkoartta
Politiijat navde muhtin dievddu gii lea badjelaš 20 jahkásaš, vuodján biillain gárrendilis. Politiijat válde iskkosiid, ja duoguštedje su vuodjinkoartta, dieđiha Finnmárkku politiijaguovlu Twitteris.
