Guovdageainnu suohkan dáhttu olbmuid váldit dárbbašlaš juhkan-ja málestančázi ovdal go giddejit čázi.
Guovdageainnu suohkan lea bargame váldočáhcebohcciin. Dat dagaha ahte olbmot Heargedievás leat čázi haga moadde diimmu odne, bearjadaga.
– Heargedievvá lea čázi haga 12:00 rájes odne bearjadaga. Mii vuordit leat geargan diibmu 14:00, dieđiha Guovdageainnu suohkana teknihkalaš ossodat suohkana Facebook-siiddus.
– Mii dáhttut din váldit dárbbašlaš juhkan- ja málestančázi, ja ahte buot mašiinnat mat dolvot čázi eai adno nu guhká go leat gidden čázi, čállet sii viidáset.
