Buorre vearju dustet dálkkádatrievdama duottarguovllus

Badjeolbmot, dutkit ja eiseválddit Suomas, Norggas ja Ruoŧas ledje bovdejuvvon mannan vahkus Roavvenjárgii ságastallat boazodoalu rolla birra máilmmi dálkkádatrievdama ektui. Čoahkkima oasseváldi Pekka Aikio mielas lei buorre, ahte boazodoalu buorit bealit bajiduvvojit, muhto buvttii čoahkkimis maid ovdan sámi boazodoalu dárbbu oažžut sierra lága suoji, čállá Yle Sápmi.

– Dál bođii bures dat ovdan, ahte dát dutkijoavku guldala sámi boazodoalu ovddasteddjiid ja háliida ipmirdit maid mii oaivvildit. Mun in leat ovdal oaidnán, ahte stáhta ja ráđđehusa ovddasteaddjit leat mielde olles áigge čoahkkimis ja sii bohtet ipmirdit min dili buorebut, muitala Aikio Yle Sápmái.

Logá olles ášši Yle Sápmi siidduin.