-Almmuhus-
-Almmuhus-
GUOIMMUHEAPMI -Buorre juobe ovtta čuoggá ožžon

-Buorre juobe ovtta čuoggá ožžon

-

-

Álggos leat golbma gažaldaga, jus daid máhtát, de manat viidáseappot gilvvus.

Namma: Sigbjørn Skåden

Ahki: 39

Guovlu: Skánit/ orru Romssas

Bargu: Girječálli

 

1. Mii lea diddi?

– Mun in jáhke mis lea diet sátni min

suopmanis, mun lean dego gullán

ovdal. In mun dieđe.

 

Rievttes vástádus: Unna luosaš

 

2. Annbjørg Hætta lávlla “Mun dárbbašan du” álgá ná: «Lea dat maid gullen, lea dat maid dovden, lea dat maid oidnen, lea čiegusvuohta…» Movt joatká lávllateaksta? (Doarvái jus 3-4 sáni máhttá)

– In jáddat dola, mun ráhkistan du. RIEKTA!

 

Olles vástádus: «In duššat nieguid, mun dárbbašan du, in jáddat dola, mun ráhkistan du»

 

3. Goas almmuhuvvui vuosttaš nr Ávvir aviissas, guđe jagi?

– Lei maŋŋil go Min Áigi ja Áššu

nogai. Mun ferten beare árvidit, 2004. BOASTUT!

 

Rievttes vástádus: 2008

 

Go Skåden ii vástidan riekta buot golbma vuosttaš gažaldaga, de ii mannan viidásit gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dát lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás ges 5 čuoggá.

 

Skåden vállje alit ivnni, ja mii jearrat sus dán árvalusa:

 

Márjjá eatnis leat golbma nieidda. Vuosttaža namma lea Birja, nuppi namma lea Mirjá. Mii lea goalmmát nieidda namma?

– He-he..Soaitá Smirjá, boagusta Skåden.

Mun dajan pass.

 

Rievttes vástádus: Márjá

 

– Oja nie..he-he, Mun in gullán nu buoragit dan gažaldaga, soaitá heajos telefovdna oktavuohta. Ii lean álki, lei juobe buorre ahte ožžon ovtta čuoggá, muhto livčče vuogas dieđusge máhttit ovdamearkka dihte dan ditti. Dan livččen galgat muitit vaikko mis ii leat dábálaš sátni, lean gullán dávjá dan diddi sáni. Ja dan maŋemuš gažaldaga in gullan nu bures , muhto nu hal lea.

 

Galle čuoggá oktiibuot: 1 čuokkis

 

Juohke gilvaleaddji beassá hástalit ođđa gilvaleaddji Ávvira geassegilvui, ja Skåden háliida hástalit Thomas Ole Andersena searvat Ávvira geassegilvui.

 

Njunnošis Ávvira geassegilvvus dál: Ánne Márjá Guttorm Graven 21 čuoggáin.

-Almmuhus-