Doapparbiila ii sáhte viežžat doabbariid Guovdageainnus ođđajagimánu 23.beaivvi. Buolaš lea mii hehtte.
Doapparbiila ii sáhte viežžat doabbariid Guovdageainnus ođđajagimánu 23.beaivvi. Buolaš lea mii hehtte.
Lea oahpes ášši ahte doapparbiila ii doaimma nu go galgá go lea buolaš, ja dan dihte čállá Vefas doapparfitnodat ahte fertejit maŋidit boahtte disdahkii viežžat doabbariid Guovdageainnus.
– Sii geain leat ollu doabbarat sáhttet sirret ruskkaid sierra čáhppes sehkkii boahtte vahkkui, ja bidjat dan ruskalihtti lusa, čállá Vefas Facebookas.
Sii namuhit ahte jus lea vejolaš diktit ruskkaid orrut olgovisttis dahje garášas, de ávžžuhuvvo nu dahkat. Seammás eai ávžžut sehkkii bidjat biebmobázahusaid, muhto baicce ruskkalihttái mas lea jo lohkki.
Guovdageainnus lei birrasii 30 buolašgráda mánnodaga iđit, ja doapparbiila lei boahtán Guovdageidnui, muhto šattai jorggihit fas.
