Lávvordaga čuovganeapmái buollái bráhkka Guhkesjávrris Álttá suohkanis.
Buollinčáskadeaddjit ja politiijat vulge diibmu 01:48 jáddadit buollima mii lei Guhkesjávrri ráktobáikkis. Diehtu lei ahte ledje bráhkka ja garáša buollán doppe, dieđiha politiija Twitteris.
– Politiijat leat báikkis, ja okta bráhkka lea buollán. Ii okta ge olmmoš leat roasmmohuvvan, dieđihit politiijat.
Maŋŋelaš lea ođđa diehtu ahte bráhkka lea buot billahuvvan buollimis. Garáša mii lea lahkosis, lea ain ollis ii ge leat buollán.
– Eat dieđe buollinsiva, ja politiijat dutket ášši, dieđihit Finnmárkku politiijat Twitteris.
