Norgga Sámiid Riikkasearvvi (NSR) nuoraidlávdegoddi háliida viiddis ovttasbarggu oadjebas servviid birra, gos ii leat veahkaváldi, seksualá illasteapmi ja eahpesávahahtti seksualá fuomášupmi.
Norgga Sámiid Riikkasearvvi (NSR) nuoraidlávdegoddi háliida viiddis ovttasbarggu oadjebas servviid birra, gos ii leat veahkaváldi, seksuála illasteapmi ja eahpesávahahtti seksuála fuomášupmi.
Hástalit SáNula
Danne ovddida NSR nuoraidlávdegotti jođiheaddji Ánde Trosten ášši Sámedikki nuoraidpolitihkaš lávdegoddái (SáNul), geat dollet čoahkkima Romssas boahtte vahkkoloahpa.
– Mii evttohit SáNul doallat oahpahusvahkkoloahpa buot sámi nuoraidorganisašuvnnaide, mas fáddán leat oadjebas organisašuvnnat. Maid sáhttit mii sámi organisašuvnnat bargat eastadan dihte veahkaválddi, seksuála illasteami ja eahpesávahahtti seksuala fuomášumi? jearrá Trosten.
Eanet sámiid gaskkas go muđui álbmogis
Diibmá almmuhuvvojedje bohtosat dutkamis mas vuođđun lei Saminor 2 jearahallaniskadeapmi, ja bohtosat das čájehedje ahte gávdno eanet veahkaváldi ja seksuala veahkaváldin sámiid gaskkas go muđui álbmogis.
– Mihttun ferte leat ahte sámi organisašuvnnat galget leahkit veahkaváldifriddja sadjin, ja min organisašuvnnain eat galgga dohkkehit veahkaválddi. Bargguin eastadit eahpesávahahtti seksualá láhttenvugiid, dárbbašit sámi organisašuvnnat gelbbolašvuođamateriálaid ja prošeavtta mii vuolggaha digaštallama juste veahkaválddi ja illastankultuvrraid Sámis erenoamážit ja servvodagas obbalaččat. Mii sávvat ahte SáNul sáhtášii jođihit dákkár prošeavtta, lohká Trosten.
